Conta a túa versión
O pasado 3 de decembro, coincidindo co día mundial da diversidade funcional, achegámonos ata o local sociocultural da Barcala para participar na primeira exposición de relatos organizada pola Asamblea Cidadá de Cambre.
Alí, nun primeiro momento, leuse un manifesto reinvidicativo a prol da loita dos dereitos das persoas con diversidade funcional, e mais tarde, foron os chicos e chicas do noso CRPL os que se encargaron de subir “ao estrado” para ler, en primeira persoa, as súas vivencias e experiencias ca enfermidade mental. Tras isto, expuxéronse todos os relatos nun mural que colocaremos no noso novo centro.
