“O AMOR É DE CORES, NON O PINTES DE NEGRO”
Esta semana celebrouse o día contra a Violencia de Xénero, e decidimos acudir os dous centros xuntos ó acto que se celebraba en Vimianzo. O evento tivo lugar na praza do concello, a él asistiron diferentes asociacións e colexios da localidade. Todos eles lían unha frase ou lema en contra da Violencia de Xénero e aportabamos un lazo de cor violeta realizado por nós mesmos. Dende APEM, escollemos a dous usuarios para representar a nosa entidade. Un deles, pertencía ó C.R.PL Vimianzo e leu o slogan que elaboramos previamente entre todos : “O AMOR É DE CORES, NON O PINTES DE NEGRO”; e a tarefa da imposición do lazo correspondeulle ó usuario do C.R.P.L de Cee.
Para rematar esta xornada de sensibilización fomos dar un paseíño polo concello, xa que moitos dos usuarios non o coñecían. Por suposto o Castelo foi unha parada obrigatoria.
