O pasado martes 10 de maio recibimos a visita dos alumnos e das alumnas de 4º de ESO do IES
Pedra da Aguia da Ponte do Porto (Camariñas).
A visita, que se extendeu desde as 16:00 ata as 17:30, dividiuse en 3 partes. Nun primeiro
momento a nosa coordinadora Junquera deulle a benvida a este grupo de arredor de 30
estudiantes, trala cal tomou o relevo Sergio, o psicólogo do centro, que lles fixo unha pequena
introducción ó mundo da psicopatoloxía. Esta primeira parte estivo ben aderezada polo
material audiovisual proxectado polo noso máis que versátil monitor Ramón. Resultou moi
gratificante comprobar o interese e o alto nivel de participación do grupo. Seguro que nuns
anos sairán del uns cantos e unhas cantas profesionais no ámbito da saúde mental.
Despois foi o turno da nosa educadora Inés, que os/as guiou polas instalacións, desde a sala de
coidadores, pasando polo despacho de coodinación e a zona das habitacións da residencia, ata
a cociña, onde as nosas grandísimas chefs Matilde e Cris limpaban con esmero uns 40kg de
robaliza salvaxe, menú que os nosos usuarios e usuarias disfrutarían posteriormente.
O último destino e o máis importante de todos foi o taller, no que coma cada día facían as súas
tarefas os verdadeiros anfitrións da visita: os nosos usuarios. Alí o grupo de estudiantes puido
interactuar con todos eles: coñeceron algunhas das historias da nosa xente, o seu traballo,
fixeron todas as preguntas que quixeron… e ata escoitaron un dos himnos da súa terra cando
un dos nosos residentes se arrancou con “Ó pasar por Camariñas…”!!
En definitiva, unha experiencia do máis enriquecedora para todos.
Esperamos repetir!
