O día 25 de Outubro nas instalacións de APEM en Carballo recibimos a visita das alumnas do “Curso de Atención Sociosanitaria a persoas dependentes en institucións sociais” realizado desde Cáritas de Carballo e dirixido pola súa Educadora Social, Maite Prieto Martín, dentro da oferta de Cursos subvencionados pola Dirección Xeral de Inclusión social da Xunta de Galicia, cofinanciados polo FSE. Nesta xornada que se desenvolveu de cinco a oito e media da tarde, tratamos de introducir ás alumnas nos conceptos máis básicos sobre a enfermidade mental; logo da xornada teórica demos paso a unha visita guiada das instalacións tanto do Centro de Atención Diurna de persoas con enfermidade mental autorizado pola Consellería de Política Social da Xunta de Galicia, como ó Centro de Rehabilitación Psicosocial e Laboral acreditado pola Consellería de Sanidade. Foi unha xornada moi enriquecedora pola motivación do grupo que participou activamente durante toda a actividade.
